滙豐同恒生兩母子保險業務嘅老頂近期雙雙離巢。滙豐香港保險業務董事總經理石湛森（Jason），聽講上個月已經走人，仲係即時離開，事關佢要跳槽到競爭對手嗰度；有傳佢會過檔到ING，但有待證實。Jason喺滙豐做咗十六、七年，當年滙豐推強積金，都係由佢策劃，跟住就調咗去新加坡，○七年又調番嚟香港。
至於恒生保險嘅CEO李哲恒（Alvin）亦係五月中離職，據講同樣係有高就，佢嘅工作就由胡福華（Calvin）接手，佢哋個英文名咁相似，唔知做事作風又似唔似呢？太子收到風，Calvin其實係滙豐保險嘅舊將，咁樣喺恒生做事應該好易適應，因為恒生裏面都有好多滙豐舊人。
來源:太陽報 |
